nitakuwa nakukusanyia story zote kubwa za burudani na kukuwekea hapa kila siku tuanze na hii....
Babutale eti Kama
ni rahisi kununua tuzo, wanaosema hivyo na wao wakanunue
Babutale amezijibu shutuma za baadhi ya mashabiki nchini kuwa
wasanii wa WCB wamekuwa wakinunua tuzo.
Akiongea na Prince Ramalove wa Kings FM, Tale alikuwa na maneno
mafupi tu kuwajibu. “Kama ni rahisi na wao wakanunue,” alisema meneja huyo.
Jumamosi iliyopita Diamond na Harmonize walishinda tuzo za
Afrimma zilizofanyika jijini Dallas, Marekani.
Alidai kuwa tuzo hizo ni za Tanzania nzima na imeonesha jinsi
gani mashabiki wako nao pamoja. Amesisitiza kwa kuwaomba waendelee kuwapigia
kura wasanii wote waliotajwa kwenye tuzo za MTV MAMA wakiwemo wasanii wake wa
WCB, Diamond na Raymond.
Wengine ni Alikiba, Navy Kenzo, Yamoto Band na Vanessa Mdee.
P-Funk tayari ameshampata msichana wa kwanza
kumsainisha Bongo Records
Kwa muda mrefu, producer mkongwe wa Bongo Flava, P-Funk Majani
alikuwa akizungumza nia yake ya kupata wasanii wa kike kwaajili ya kuwasainisha
Bongo Records.
Na sasa ametangaza kumpata msichana wa kwanza atakayemwagika
wino kuwa chini ya usimamizi wa label yake kongwe. Anaamini kuwa msichana huyo
atafanya mambo makubwa.
“I finally found the perfect female artist to sign to Bongo
Records. She’s gonna take over the music industry by storm,” ameandika Majani
kwenye picha ya msichana huyo aliyoiweka Instagram.
“What do you think, does she rap or sing,” amehoji.
Hivi karibuni Majani alisema anatarajia kutambulisha vipaji
vipya takriban vinane vitakavyokuwa chini ya label yake.
Mpango huo aliutambulisha takriban miaka miwili iliyopita na
kupata wasanii lakini alikosa muda wa kuendelea baada ya kupata majukumu ya
kampuni ya CMEA.
Na sasa amesema ameshakutana na wasanii hao tena na kuongeza
wengine tayari kwa kuufufua mradi huo.
“Tuseme wako kama nane kwahiyo sasa hivi ndio tupo studio
tunajifua, kila mmoja anapiga kazi tatu tatu then tutawaalika watu wa media,
watu wa industry, tutakaaa tutakagua zile nyimbo na nyinyi mtapata nafasi sasa
ya kuchagua single zao ambazo sasa tutainvest, tutaingia kwenye videos na
tutazazimarket zile.”
Alidai kuwa bado anaendelea kusaka vipaji zaidi na kwamba
angependa kupata wasanii wa kike zaidi.
EFM
wamkwapua Twalib Omar wa Clouds TV
Vita vya EFM NA Clouds Media vinazidi kushika kasi. Baada ya
Clouds FM kumrudisha mtangazaji wake wa zamani, Paul James aka PJ wiki kadhaa
zilizopita, EFM wamejibu mapigo kwa kumchukua mtangazaji wa Sports Bar ya Clouds
TV, Twalib Omar.
Twalib hajamaliza hata miezi minne kama sio mitatu Clouds TV
alikoenda baada ya kuondoka Azam TV.
Usajili huo mpya umetangazwa na Maulid Kitenge ambaye kupitia
ujumbe wake wa Instagram, inaonesha amempiga kijembe hasimu wake, Shaffi Dauda
ambaye ni meneja wa vipindi wa Clouds FM.
“Wakati unahangaika kurudisha wale wa zamani siye tunakuchukulia
wengine,” ameandika Kitenge.
“Karibu jembe Twalib Omar E FM na hii jezi utaitumia katika E FM jogging club yetu. #huumchezohauitajihasira msalimieni rafiki yangu Mino Raiola mwambieni kuna Jorge Mendez yeye harudishi wa zamani anachukua wapya,” ameongeza.
“Karibu jembe Twalib Omar E FM na hii jezi utaitumia katika E FM jogging club yetu. #huumchezohauitajihasira msalimieni rafiki yangu Mino Raiola mwambieni kuna Jorge Mendez yeye harudishi wa zamani anachukua wapya,” ameongeza.
Hadi sasa watangazaji wengine wa Clouds FM waliopo EFM ni pamoja
na Dina Marious, Gerald Hando na Ibrahim ‘Maestro’ Masoud. Pamoja na
kuwarudisha watangazaji wake wa zamani Gardiner G Habash na PJ, Clouds
ilimkwapua mtangazaji wa Singeli, Kicheko kutoka EFM.
Views ya Drake yaweka rekodi mpya kwenye mtandao wa
Spotify
Kuizuia nyota ya Drake ni sawa na kuziba mwanga kwa kiganja cha
mkono. Album yake ya Views, imekuwa ya kwanza katika historia kusikilizwa mara
milioni 880 kwenye mtandao wa Spotify.
Rapper huyo wa Canada ameweka rekodi hiyo ikiwa ni wiki chache
zimepita tangu mtandao wa Apple Music ulipotangaza albamu hiyo kuweka historia
ya kusikilizwa mara bilioni 1 kwenye mtandao huo.
Drake ameweka rekodi hiyo kwenye mtandao huo wa Spotify baada ya
kuivunja rekodi iliyokuwa ikishikiliwa mwaka uliopita na Major Lazer, DJ Snake
na MØ’s na wimbo wa ‘Lean On’ iliyosikilizwa mara milioni 526.
Lulu awataja wasanii 3 anaowakubali kwenye Bongo
Fleva
Msanii mahiri wa filamu Bongo, Elizabeth Michael aka Lulu
amewataja wasanii watatu anaowakubali kwenye muziki wa Bongo Fleva.
Muigizaji huyo alikuwa akijibu swali la mmoja wa mashabiki wake
kwenye mtandao wa Twitter, lililokuwa linauliza “wasanii gani watatu
anaowakubali kwenye Bongo Fleva?”
Lulu alijibu swali hilo kwa kuandika, “Beka, Maua Sama na
Alikiba.”
Lulu aliongeza kwa kuzitaja nyimbo anazozikubali ni pamoja na
‘Ado Ado’ wa Mo Music, ‘Wale Wale’ wa Ruby, ‘Hapo’ wa Quick Rocka na ‘Asanteni
Kwa Kuja’ wa Mwana FA.
Yaliyosemwa na Vanessa Mdee jinsi alivyoandika
wimbo mpya wa Mafikizolo..
Kama utakuwa unakumbuka
hivi karibuni kundi la muziki kutoka Afrika Kusini, Mafikizolo lilitangaza
kuachia wimbo wao mpya walioupa kwa jina la ‘Kucheza’.Sasa basi
good news ni kwamba Vanessa Mdee amehusika katika single hiyo
kama mtunzi huku ikiwa imetayarishwa na Dj Maphorisa wa South
Africa.
Vanessa Mdee ameongea yafuatayo “Ilikuwa ndoto yangu kufanya
kazi na Mafikizolo sikutegemea kabisa kuandika wimbo wa Mafikizolo ambao
watautoa kama wimbo wao mpya uitwao Kucheza, pili ningependa kumshukuru Dj
Maphorisa kwani alinipa mawazo tofauti tofauti kipindi tulipokuwa studio baadae
Mafikizolo wakaukubali kwahiyo nitahusika kama mtunzi kwenye wimbo wao mpya’”