edonetz itazidi kukuletea kila siku makala zinazohusu afya, malezi, mausiano, siasa, burudani.. nk na siku ya leo nimekuandalia lishe bora kwa mtoto
umri kuanzia miezi sita kushuka chini..
UMRI KUANZIA MIEZI SITA KUSHUKA CHINI
Kwa
watoto walio chini ya umri wa miezi sita, wanatakiwa wapewe maziwa ya mama
pekee, mtoto asipewe kitu kingine chochote kile katika umri huo (hata yawe
maji).
Hii ni
muhimu sana, kwani maziwa ya mama yana kila aina ya kirutubisho ambacho mtoto
huyu anahitaji katika umri huu na hakuna mbadala wake, hata kama mama anakwenda
kazini, basi anaweza kumkamulia mtoto maziwa na yakahifadhiwa vizuri, kwenye
chombo kisafi, maziwa ya mama yakikamuliwa, yana uwezo wa kukaa hadi masaa 6
bila kuharibika (hata yasipo hifadhiwa kwenye friji) na yakihifadhiwa kwenye
friji, basi yanaweza kukaa hata kwa masaa 24.
Kuna
tabia pia ya wazazi kuwapa watoto chini ya miezi 6 maji, hii pia si sahihi hata
kidogo, kwani maziwa ya mama yana kiasi cha maji cha kutosha sana, mtoto
anapoonekana kuwa ana kiu, basi anyonyeshwe na sio kupewa maji, kuanza kumpa
mtoto chakula cha aina nyingine ambacho si maziwa ya mama, ni hatari kwa afya
ya mtoto kwa sababu tumbo lake bado halijakomaa vya kutosha, na inaweza
kusababisha maambukizi kwenye tumbo, tumbo kujaa gesi na hata kuharisha.
Kama mama
hatoi maziwa ya kutosha, ajitahidi kuendelea kumpa ziwa mtoto, kwani kadri
mtoto anavyovuta ndivyo ambavyo maziwa yanazidi kutengenezwa kwa wingi zaidi,
na mama akipunguza/akiacha kumpa mtoto ziwa basi maziwa yanakuwa yanatengenezwa
kwa kiasi kidogo sana.
Pia mama
ajitahidi kunywa maji sana (angalau lita tatu au zaidi kwa siku), na vyakula
vya majimaji vya kutosha ili maziwa yatengenezwe kwa wingi, madaktari
hawashauri sana maziwa ya formula, kwani hayafikii ubora wa maziwa ya mama,
lakini, pale inapobidi, kutokana na maisha tunayoishi sasa mama anaweza asipate
maziwa ya kutosha, na kama ana uwezo basi anaweza akamnunulia mtoto wake maziwa
ya formula, ili kuongezea.
JIUNGE
NASI KWA KUTUFOLLOW
fb@edonetz , twiter@edonetz , inst@edonetz_blog na youtube@edone tv