WANJA ni moja ya kipodozi
muhimu kufanya macho yavutie na kuongeza mvuto na muonekano wa sura yako.
Watumiaji wa wanja wanalijua hilo.
Siku hizi wanja
unatengenezwa katika aina tatu, pensili,
wa maji (liquid) na wanja wa gel/cream. Pia zinakuja katika rangi
aina mbalimbali hivyo una uhuru mkubwa wa kuchagua aina na rangi unayotaka. Ila
kuna vitu vichache vya kuzingatia;
Paka wanja baada ya kupaka
foundation au poda (facial powder) kwenye uso wako, maana
ukianza kupaka wanja kisha upake poda utavuruga wanja uliopaka kwenye nyusi.
Chana nyusi kwa kitana
chenye meno madogo kabla ya kupaka wanja, itasaidia kuzifanya nyusi zinyooke na
kukaa katika mstari na itakuwa rahisi kwako kupaka wanja.
Chagua wanja utakaoendana
na rangi ya nywele zako iwe umesuka rasta, umevaa wigi, nywele ‘natural’ na kadhalika, muhimu
chagua rangi ya wanja itakayoendana na nywele zilizopo kichwani mwako, kama ni
nyeusi, kahawia, damu ya mzee nk.
Ukiwa unaenda kazini au ofisini
paka wanja kidogo, usikoleze sana ila kama ni mitoko mingine unaweza kuukoleza
upendavyo. Pia kwa ofisini rangi nzuri ya kupaka wanja ni nyeusi na kahawia, ila
rangi nyingine yoyote unaweza kupaka kwenye mitoko mingine kama harusi,
matembezi ya jioni na mengine.
Ukinyoa nyusi ni rahisi
kupaka wanja na utavutia zaidi, ila hakikisha unanyoa nyusi kwa watu wazoefu
ili wakunyoe kuendana na nyusi na sura yako ilivyo hata ukipaka wanja
utapendeza. Ukitaka nyusi zinyooke vizuri paka vaseline kidogo kisha paka wanja
na utakaa kwa muda mrefu.
Kwa mtu unayeanza kujifunza
kupaka wanja, anza kutumia wa pensili maana ni rahisi kupaka, wanja wa maji na
gel unahitaji uzoefu.
Chonga wanja wako kwa
vichongeo vya pensili usitumie viwembe vilivyotumika kuchongea wanja vinaweza kuleta
vijidudu kwenye wanja.
Wanja wako kabla ya kupaka
hakikisha umechongwa vizuri ili uweze kupaka mara moja bila kurudia rudia sana
kama haujachongwa vizuri, sehemu nyingine utakolea sana sehemu nyingine itakuwa
hafifu na haitapendeza.
Haya mashosti mambo ya
wanja hayo msije kusema hamjui mbinu na ujanja wa kupaka wanja.
JIUNGE
NASI KWA KUTUFOLLOW
fb@edonetz , twiter@edonetz , inst@edonetz_blog na youtube@edone tv